Dhammaan waalidiintu ama intooda badani waxay rabaan inay rumaystaan riyada ah in carruurtoodu ay yihiin kuwo garaad badan, oo soocan, saasooy tahayna waalidiinta qaar way u rumawdaa ruyoooyinkooda, halka qaar ka kalena aysan wali u rumoobin, si kastaba ha ahaatee, waxaad wali haysataa fursado badan, kuwasoo ka qayb qaadanaya korinta garaadka ilmahaaga, waxaana halkan ah 3 qodob oo kaalin weyn ku leh korinta garaadka ubadka:
- In La Raadiyo Habab Hal Abuur Leh Oo Kor Loogu Qaadayo Kartidooda Maskaxeed
U bandhigida ubadkaaga caqabado iyo waxqabadyo kala duwan waxay door muhiim ah ka ciyaartaa horumarinta kartidiisa, haddii se ubadkaagu ay jecel yihiin waxyaabaha la xidhiidha sayniska tusaale ahaan, booqashada madxafyada sayniska ee carruurta, taasoo door muhiim ah ka ciyaarta khibradiisa waayo-aragnimo.
Waxa kale oo aad siin kartaa ood u dhiibi kartaa agabyo kobcinaya garaadkiisa, iyo hal-abuurkiisa, sida in aad siiso ama aad u dhiibto kartoono, warqado, iyo xargaba, si ay u qiyaasto maskaxdoodu sida ay alaabtaas uga sameeyaan waxyaabo qaar.
- In Lagu Hareereeyo Dad Karti Iyo Hal-Abuur U Saaxiib Ah
Daraasaduhu waxay muujinayaan in korriinka xirfadaha ubadku ay si degdeg ah u koraan marka ay la falgalaan, wax ka bartaan, ama dareemaan dhiirigelinta kuwa kale, gaar ahaan haddii kuwaa ay leeyihiin awoodo ka dhan ah garaadka iyo karti maskaxeed oo isku mid ah.
Ubadkuna sidoodaba marka ay arkaan dadka ku xeeran inay ku hawlan yihiin samaynta wax-qabadyo, waxa ay caadiyyan noqdaan kuwo ku dhiirada in ay kor u qaadaan heerkooda wax-qabadeed, si ay ula tartamaan, kana hormaraan.
Qof kastaana keli ahaantiis way adag tahay inuu gaaro meel weyn, ama sidii la rabay, waalidiintuna waa inay dib u jaleecaan heerka garaadka ubadkooda, iskuna dayaan inay kor u qaadaan ilaa iyo inta ay awoodaan, iyagoo la kaashanaya la-taliye dibadeed oo dhiirigeliya ilmaha.
Loomana baahna in la-taliyahani uu ahaado khabiir weyn oo ku takhasusay goobo badan, si uu kor ugu qaado garaadka ubadka sida ugu wanagsan, balse cilmi baaris la sameeyaya ayaa lagu ogaaday in dadka ugu muhiimsan ee saameynta weyn ku yeesha caruurta ay u badan tahay inay yihiin asxaabtooda iyo facooda (dhiggooda).
- In La Dhiso Qiyam Qoyseed Oo Dhiirigelinaya
Qiyamka qoysku waxa uu aasaas adag u noqdaa nolosha ilmaha oo dhan, daraasaduhuna waxa ay tilmaamayaan in marka carruurtu ay dareemaan taageero, lahaanshiyo, iyo jacayl qoyseed, ay si fiican oo buuxda uga faa’idaysan karaan kartidooda maskaxeed iyo mida jidheedba.
Waana kuwan qaar ka mid ah qiyamkaas kuwaas oo gacan ka geysan doona korinta garaadka ubadka:
- Ixtiraam: U muuji ixtiraam gooni u ah ilmaha, oo ixtiraam ra’yigooda, fikradahooda iyo riyooyinkoodaba. Hubi inaad wakhti wada qaadataan, una ogolow qof kasta oo qoyska ka mid ah inuu raacdo danihiisa.
- Qiyamka Qoyska: Dabeecadaha wanaagsan ee waalidka sida dulqaadka, iyo dadaalka ayaa ka mid ah siyaabaha ugu waxtarka badan ee ka qayb qaadanaya dhisidda qiyam qoyseed oo saxan.
- Qiyamka Bulshada: Tani waa furaha kobcinta garaadka ilmaha iyo horumarinta shakhsiyadiisa. Ku dhiirigeli oo ku ammaan ilmahaaga marka ay ixtiraam u hayaan la macaamilka dadka kale, ka qayb qaataan shaqo kooxeedyada, nadiifiyaan alaabta ay ku ciyaaraan, oo ay qaadaan masuuliyadaha qaar.
Si kastaba ha ahaatee, maskaxda ku hay waalidoow in cadaadiska “xad-dhaafka” ah ee carruurta ay u keeni karto waxyeelo gudeed iyo mid dibadeedba, oo hadii inankaaga/inantaada aad u dirto qabashad hawl kasta oo guriga ka mid ah, adigoo is leh wax-qabadyadani wuxuu kordhinayaa oo uu kobcinayaa garaadkooda maskaxeed, markaa iyada ah waxaa suurtagal ah in gebi ahaanba ay burburto riyooyinkiisa iyo himilooyinkiisa, taasoo ka weyn waxa aad raadinayso, cadaadisyada xad-dhaafka ahina wuxuu yeelan karaa cawaaqib xumo.