Shilalka qaar, xittaa waxay dhacaan waalidiintoo aad u taxaddar badan, isla mar ahaantaana feejigan, dhicitaanka dhalaanka waa arin badanka ku dhacda qoysaska.
Hadii ilamahaagu ama dhalaankaagu uu ka soo dhaco meel dheer, si shil ah, ama khalad ay cid sabab u tahay, ama sababo kale oo suurtagal ah, markaa iyada ah, waa inaad ugu horreyn is-dajjisaa, neefna qaadataa, iskuna daydaa inaad raacdo tallaabooyinka aan ku sheegay qormadan.
Inkastoo dhicitaanka dhalaanka uu yahay arin badanka dhaca, haddana daraasado la sameeyay ayaa sheegaya in dhicitaanka dhalaanka ay yihiin kiisaska ugu badan ee keena gargaarka degdegga ah ee fudud.
Qaybaheena hoos ee qormadan waxaynu ku faahfaahin doonaa waxa ay tahay inaad sameyso marka ilmahaagu ama dhalaankaagu uu dhaco ama uu ka soo dhaco meel dheer.
Maxaa dhaca marka uu ilmuhu dhaco?
Waxaa suurtogal ah in ilmuhu uu ka dhaco gacmaha waalidiintiisa marka ay sidaan, ama uu ka soo dhaco jaranjarada haddii uu bilaabo inuu iskii u gurguurto. sidoo kalena waxaa suurtagal ah inuu ka soo dhaco meelo sare sida sariirta, miiska cuntada, iyo meelo kale oo ka mid ah guriga.
Xitaa haddii aad ilmahaaga “AAD” uga taxadarto, mararka qaar arrimahani waa mid dhaca. Laakiin arinka layaabka leh ayaa ah in dhicitaanka dhalaanku uu markasta u badan yahay dhanka madaxa.
Waxaana sabab u ah cufjiidadka ilmaha oo ay inteeda badani kaga aadan tahay dhankaa iyo madaxa, kaasoo aad uga weyn jidhka intiisa kale.
Haddii dhicitaanka dhalaankaagu aanu ahayn mid aad u xoogan, ama aanuu ka soo dhicin meel aad u sarraysa, markaa iyada ahi waxa laga yaabaa in dhalaankaagu uu si dhakhso ah u bogsado, oo si tartiib tartiib ah u bilaabo inuu is dejiyo oo uu joojiyo oohinta.
Laakiinse hadii dhicitaanka dhalaankaagu uu ahaa mid xoogan ama uu ka soo dhacay meel aad u sarraysa, oo gaaraysa ilaa 1 mitir iyo wixii ka badanba, markaa iyada ahi waxaa lagu taliyaa in dhakhtarka carruurta loo geeyo lana baadho.